Siu Kalahang A Besik
A sasih sampun lintang,
Mangkin nemonin purnama.
Sunar bulan makalangan buka sundih ngabar,
Pasuryak! Rumasa girang gumatat gumitit,
Dibi! Puan! Telun!
Kija mekejang!?
Cecek, Jangkrik, I Balang buka rarud!
Makudang-kudang peteng patimambung,
Ajinang siuan bintang pakenérnér!
Minab Tusing maaji!
Diapin liu ngebekin, buka tusing maguna.
Sajan tuah mungahin dewék!?
Angin kadi bareng ngibukin,
Buka masuryak, negesin!
Kadén ulian ajak liu!
Pelih baan ngresepang.
Buka praginané kilangan kalangan
Tusing ngenah diapin ada
Kalahang bulan a besik
Ejoh para masiu-siu kalahang Bulan a besik !
Puput
Olih; I Wayan Kertayasa - https://babakanpole.blogspot.com/
0 comments:
Post a Comment