Examples of Balinese conversations with different dialects, Cerpen Bahasa Bali, Satua Bahasa Bali, Cerita Bahasa Bali, Contoh Cerpen, Dialek bahasa Bali

UGIG

(Papahan -1 Jengah)

Tu Rah	Bih cicingé ento dibi ajak aké ka bandara, jeg ngelénteng matané. Carah kebo mabalih ombak poloné.
Tolé	Nyén tuturang nani ento? Sing karuan apa jeg cacang-cicing poloné.
Tu Rah	Kabak awaké ani, jeg sengitan basangé baana nolih. Tong ngetél kanti pasené pang tawang cai 😆😆😆
Rah Dé	Adéng naé nyatuang, anak kékén ladné? Apa pabaliha ngantos jeg ngati carah kebo mabalaih ombak orahang Tu Rah I Yeni?
Tu Rah	Aih alus bungut cainé, I Ye..........ni! Tong goban aniné. Cai demen suba nepukin kabak awaké kakéto!
Tolé	Bah né maro jo tusing dadi ajak nyatuo beneh-beneh polone. Buin cepok kaé matakon gung. Anak nolih apa tunangan cainé dibi di bandara? Sautin malu, baang gobo dogen ane rengas. Orto edo milu rengas.
Rah Dé	😂😂😂 ajeng telasng Tu....!
Tu Rah	Paih cicingé maan ngedekin aké, kendel gati suba atiné! Kené, dibi awaké teka uling surabaya. Neked awaké di bandara ngurah rai, ditu pas tuwun uling pesawate. Jeg kékén kadén Lepet awaké, jeg barengan tuwun ngajak pilotné. Tong buka dayanin nani. I Yéni noloh piloté kanti ngetél asané cocohné. Mula sajaan mula tusing nyandang apa buin aké nutugan buin makabakan ngajak Yéni totonan.
Rah Dé	Nah né mara ja cang nawang né apa sujatine ané ortang Tu Rah. Ené cutetné Turah kalah saing né, 😅😅😅 Pantet suba!
Tolé	😆😆😆 liak ibo gung. Mulo nasib awak kéto gung, 😆😆😆
Rah Dé	Aduh..., Aduh..., jeg liu kalahné Tu Rah niki, 😆😆😆
Tolé	Apo men orahang kaé buin gung? Gobo subo kalah, Potongan masi kalah apa buin pipis! 😅😅😅
Tu Rah	Aje cai, yén unduké ento awaké suba nawang. Pasti to, tusing ragu. Jeg suba pasti kalah awaké. Apa buin gajih pilloté koné anak gede gati ani.
Rah Dé	Pih sakit basang tiyang kedék. Pedalem sih pedalem bas timpal, sakéwala bes nyajang sajan Tu Rah, 😅😅😅 Misi ngorahang kalah saing gajih, men Tu Rah anak uling dija maan gajih. Ené iraga enu natakin lima ngajak rerama anggo mayah SPP. Pih jeg joh sajan ngalih saing! Kanggoang puputang malu masuk SMA Tu....! 😅😅😅
Tolé	😅😅😅,dadi kaé kedék gung! Ento ngipi adané Tu....,😅😅😅
Tu Rah	Paih cicingé ajak dua nénénan baang ngedékin aké mara demen. Sakéwala kéné! Jengah aké. Kékén ja carané, pokokné awaké tamat uling SMA ené lakar masuk di sekolah penerbangan. Apang ngidang dadi pilot masi awaké. Ené tusing ja ulian Yéni, ené tulus mula uling keneh awaké. Apang bisa masi awaké magajih gedé ulian dadi pilot. Yén awaké ngidang dadi pilot, sinah demen lan bangga lakar mémé bapan awaké. I Yéni? heh, kalin dogén suba. Ngalih ané Lénan buin.
Rah Dé	Oh, dikantiné kené enyak beneh papineh Tu rah. Kéwala icang enu tusing ngidang naenang kedéké ené. 😅😅😅
Tolé	Aduh yén keto cita-cita Tu Rah, sinah sengkalo meme bapané Tu Rah lakaranga ené! 😅😅😅
Rah Dé	Sengkala kénkén ento Lé? 😅😅😅
Tolé	Sengkalo nombok sekolahan, 😂😂😂!
Rah Dé	Jani seken tiyang metakén Tu Rah. Yéning Tu Rah saget seken dadi pilot buin pidan, apan pikeneh Tu Rah ané simalu lakar isinin Tu Rah?
Tolé	Pasti luo, 😂😂😂!
TU Rah	Bah campah gati cai Lé. Kapok aké. Kanggoang malu eda ngenehang kabak. Kapok sakit hati awaké. Aget ada cai ajak dadua, ngidang awaké enu makedékan.
Tolé	Men apa men sajané, sautin naké malu petakoné Rah Dé.
TU Rah	Yén seken sweca Widhiné aké ngidang dadi pilot, ané simalu isinin awaké kenehé lakarang ngaé umah bungah. Jeg pang kanti carah filla umah awaké, kanteg song bikulé lakar ukir awaké. 😂😂😂
Rah Dé	Pih melah adané papineh Tu Rah ento. Sakéwala sajan masi, anak ané dadi pilot ento loktah dingeh lan wacan tiyang di korané anak mla sugih-sugih. Kadirasa anak ngidang sane ngisinin makejang pikenehnyané. Apa buin umah! Ento sing jeg gaé cenik yening suba dadi pilot.
Tolé	Sajo masi Rah Dé. Ento anak ada delod umah awak di tabanan ané dadi pilot. Pih jeg ngerénéb umahné.
TU Rah	Ento suba Lé. Makané jani suud cai ngwalék aké. Aké kal dadi pilot, nyan bakat bayah bungut ané ngwalék! 😂😂😂,
Rah Dé	Pih kakin-kakiné, adi ngelah tiyang timpal sombong kené nah. Kondén karuan apa, saget suba nagih mayah bungut. Ento anggehan di kantin bayah malu. Angehan és teh dogén nganti kapuan, 😂😂😂,
TU Rah	Tusing ja keto, anak ngorto adané. Apa buin ngajak cai ajak dadua, arus misi sombong apang cai tusing kiap ngorto aja awaké. 😂😂😂,
Tolé	Kéwala ada jelékne dadi pilot!
Rah Dé	Apa ento Lé? Ade unduk sugih jelék?
Tolé	Yéh awak tusing nawang, ento pisagan aké jumah ento. Yo sugih sakéwalo tusing taén ngidang ngoyong jumahné. Kali kénkén men ngrasang kasugihané?
Tu Rah	Bah, artiné enduk cai né. Men cai suba maan ngorto ngajak anaké ento?
Tolé	Kénkénang ngajak ngorto? Anak suba tusing taén jumahné. Tengal ajak Tu Rah nénénan. 😂😂😂,
Rah Dé	Béh seken naké Lé. Men kékénang mabanjar buka ané suba dadi budayané iraga di Bali. Anak magenep ayah-ayah makrama banjar. Kondén misi ngayah ka pura, ngayahin banjar matetulung lan sané liyanan.
Tolé	Ento subo jani dadi pakrimik di banjaran awak jumah. Kékénang ento jani? Ipun ngelah anak lingsir sakéwalo anak subo tusing ngidang ngayah. Laut ipun misi tusing taén ado jumahné. Tusing subo ipun taén ngidang matetulung di banjar, apo buin lakar ngayahin banjar.
Tu Rah	Pah, yén ento anak jani manutin jlemané. Diapin ada anak ane ngoyong jumah sakéwala léngit medengklang. Ento ada masi pisagan aké jumah ngoyong, tusing taén pesu masi. Anak jani manutin sesanan jlemané. Ento sesana, prinsip adané. Lamun jlemané mula jemet, pastika lakar jemet diapain kénkén ja patrané ipun. Lamun mula madasar lengit, jeg teka ka banjar bisa dadi seletan di matan kramané. 😂😂😂,
Rah Dé	Beneh ento masi buka ané kaorahang Tu Rah. Jani anak manutin tategenang jatmané. Eda sajan budaya nganti kaanggon sané ngawinang tusing ngidang maju. Anak budayané iraga ento suba nuwut aob sajan sujatiné. Sekadi mangkin yén tusing ngidang tedun ngayah, mapunia gelah masih dadi. Anak patuh suksmané mautama yening suba madasar ban bhakti.
Tu Rah	Pokokné aké sitinut ngajak Rah Dé! Lamun Tolé tusing sitinut, eda suba ajaka!.😂😂😂,
Rah Dé	Engkén Lé? cocok?
Tolé	Beneh masi nah!
Tu Rah	Engkén, tusing ada bayu milu dadi pilot? 😂😂😂,
Tolé	Adéng malu, yén kené makso adané ibo gung.
Rah Dé	Tusing, tong..... Anak cita-cita adané, apa gén dadi arepang. Ento kanggo keneh-keneh awak Lé. Sakéwala yéning suba ngelah cita-cita, tusing ja nyandang campah buin. Dadabang uling jani apang enyak pajalané nuju ipiané mani puané. Apa buin ngelah ipian dadi pilot carah Tu Rah ené. Sinah werlu sajan seken mlajah apang ngidang ngisinin ipiané. Tusing buin ngidang lakar ngenehang tunangan buin, 😂😂😂
Tu Rah	Cocok suba Rah Dé. Jani aké lakar sekenang buin masuk apang tusing tuwun ranking awaké. Ené Tolé bakat baang ngalahang, 😂😂😂
Tolé	Enah, kaé anak dukung kaé ibo gung. Apa buin mani puanang enyak sukses ibo dadi pilot, asing aluhan kaé masilihan sik ibo. 😂😂😂
Tu Rah	Péh jlema sugih tabané nagih nyilih sik akené, ija ada unduk! Aké ngelah buang dogén besik, liénan tekén ento tusing ada. Engkén, nyak nyilih buang akené? 😂😂😂
Rah Dé	😂😂😂 Tusing ja keto Tu Rah. Ento Tolé anak nunas icang apang antar adané pajalan nuju ipian Turah. Nyén nawang nyan buin mani Tu Rah seken dadi sopir kapal. Pastika matumpuk-tumpuk kasugian Tu Rah. Ditu lantas Tu Rah ngidang ngisinin keneh Tu Rah. Keneh mli harly, keneh mli jukung keneh mli umah. Jeg sinah cenik gaé ento.
Tu Rah	Péh aké tusing ja keto, aké anak macanda. Madak manian cai, iraga ajak telu pang bareng-bareng suksés. Tolé suksés dadi Bupati lan cai suksés dadi gubernur. 😂😂😂

Puput.

Olih; I Wayan Kertayasa - https://babakanpole.blogspot.com/