Mablanja | Dialog Bahasa Bali - Percakapan Bahasa Bali

 

Luh Dé	I	Pih ne Wayan ngortang ecét ngajak bapané, mémé dadi inget dugasé truna bajang pidan ngajak bapané Wayan.
Wayan	L	Apa men ubungané cét ngajak mémé lan bapa dugasé truna bajang?
Gedé	L	Ada yan, jeg pokokné luwung sajan to. Bapa kayang jani tusing engsap ajak unduké ento. Misi banyol, misi gedeg kéwala jeg demen atiné.
Wayan	L	Apa men ento bapa? Nang ortang naké apang tiyang nawang, jeg ngaé miled kén bapa ngajak mémé nénénang.
Gedé	L	Ortang naké Luh Dé, apang Wayan nawang masi.
Wayan	L	Péh buin misi mémé orina nyatuang, bapa ja nyatuang! masi suba pada pada nawang mémé ngajak bapa.
Luh Dé	I	Nah-nah jani suba kal satuang ngajak Wayan. Kéné Yan, dugasé truna bapa pidan bakat orin mémé nulungin mli ecét ka dagang ecét badelod to. Dugasé ento pekak Wayan anak sedeng ngaé umah, mémé ngajak bapa kondén ngantén. Nah dugasé ento bapané Wayan nulungin di jumah mémé lantas orina mliang ecét tekén pekak Wayan.
Wayan	L	Men buin éngkén mé?
Luh Dé	I	Nah inget mémé dugas ento bapan Wayan orina mli ecét duang subalék, lakar angona ngeecét tembok umahe sané mara majujuk tekén peka. Pih ngenggalang bapan Wayan majalan mli ecét, konden suud ngomong pekak sagét suba ilang majalan bapané Wayan. Nah gelisang satua, teka lantas bapané Wayan ngaba ecét duang subalék. sajan ja duang subalék ngaba ecét, kéwala jeg subalék sané cenik. Ento isiné tuang a kilo yen a subalék. Pih jeg ngakak pekak ngajak tukange jumah, konyang ngwalék bapané Wayan. Kanti baag biying musané bapané Wayan ulian kadikina.
Wayan	L	Pah lamun kéto nyak ba mirib tiyang carah bapa. Dibi orina mli poh ngajak mémé, bakat godoh bli.
Gedé	L	Pah sajan nyan suba cocok Wayan pianak bapa.
Wayan	L	Ha... ha... ha, aduh sakit basang tiyang kadek mé. ha..., ha..., ha.,. Men kudianga men ecét sané blina tekén bapa mé? Payu maanggo?
Luh Dé	I	hi..., hi..., hi..., kudianga men nganggo Yan? buina ecét sané belina ngajak bapa ento warnané selem ajak barak. aget tusing misi putih binsik. Yén sing kéto méh jeg dadi carah warnan jalér celuluk umahé. ha.., ha.., ha...
Wayan	L	Péh pantes bapa busan jeg sing sajan nyak ngango warna barak. Men kékén dadiné mé? sing buin bapa pesu ka dangang ecét ento mé?
Luh Dé	I	Buin Yan, péh jeg lemet baisné bapané Wayan majalan ka dagangé.
Wayan	L	Lakar kéto?
Luh Dé	I	Ento ecétné suba pelih warna buin cenik-cenik, dadiné bapané Wayan dugas ento nukarang ecét di dagangé.
Wayan	L	Nah jani bapa nyatuang mara ja cocok asané né, hi..., hi..., hi...
Luh Dé	I	Péh edo naé bapa buin nyatuang, sing jeg carah makacuh arep menék bapa ne, artine bapa ngortang lek bapa padidi, ha..., ha..., ha...
Wayan	L	Nah sing kénkén pa, apang ada kedékin, ha.., ha.., ha... Ngudiang tiyang jeg ngelah bapa baud kéné. Kéweh tiyang ngalih bapa kéné. Orina mblanja dogén misi ngabondres. Tong sing jeg konyang tukangé sané magarapang kedék ngingkel ningalin bapa toh. Alén suba pelih warna, misi pelih gedén ecét lan misi krosokan.
Gedé	L	Ento sajan pidan Yan, bapa mula jeg sai sajan pelih yén mablanja. Sané orina apa, sané bakat bliang apa. To takonin mémené Wayan, dugasé pidan Wayan enu di belingan, jeg pepes pelih bapa mablanja.
Wayan	L	Asel ento jeg parcaya tiyang tekén bapa. Asel ada sané soléh-soléh kéto, jeg nyak suba buka bungkulan bapané.
Gedé	L	Ento takonin mémene Wayan, apa doén ja taen pelih bliang bapa.
Luh Dé	I	Taén pidan orahin méli enyuh, taluh ngajak wadah pakuluh. Orin mliang taluhné dasa ngajak nyuhné dasa, wadah pakuluhné dadua. Yén kénkén kadén unduké ento bapané Wayan adi jeg ngaba wadah pakuluh dasa. Jeg bengong banna mémé ningalin.
Wayan	L	Pah sajan né bapa, ha.. ha..ha... Sing dadi adéngin majalan?
Gedé	L	Ento suba bapa pelihné. Yén majalan dong suba bapa adéng. Sakéwala pikuné suba jeg karas sajan uling pidan. Asel suba mblanja utawi ngingetang bablanjang, pih jeg kéweh sajan assané. Pepesang suba pelih ban mablanja.
Wayan	L	Mih bapa, bapa. Kondén tiyang lekad, bapa suba pikun kéto. engkén unduké mémé adi bisa nyak ngantén ajak bapa? ha.., ha.., ha..
Luh Dé	I	Péh Wayan sing dadi anak kéto tekén bapa, diapin bapané Wayan pikun kéto anak liu lebihné. silih sikiné sayang ngajak Wayan, sayang ngajak mémé lan seleg tur jemet bapané Wayan. dija Wayan maan ngalih bapa kéné buin lénan tekén Bli Gedé bagus né? hé.., hé..., hé...
Wayan	L	Pih saja mé. Bapa eda pedih nyan pa, ené anak tuah anggon makedékan, hi.., hi.., hi...
Gedé	L	Tusing Yan, ngudiang men bapa pedih. Kéwala jani bapa suba celih. Jani asel orina ka pekan ngajak mémené Wayan mablanja, pasti bapa ngaba cakepan cenik. Ditu jeg surat bapa suba apang tusing ada engsap nang aketélang. Makané carah tuni Bapa ka pekan mliang Wayan etas, mli sabun, mli canang, mli magenep. Anak konyang ingetang bapa tur tusing kuang tusing lebih. Ento sangkaning cakepan sakti bapa, ha.., ha..., ha..
Luh Dé	I	Saja Yan jani bapané Wayan suba celih sajan yéning papétin orin mablanja pastika ngaba cakepan saktiné ento.
Wayan	L	Kénkén men carsané ulian catetatn ento bisa ngidang sing pikun bapa nah pa?
Gedé	L	Kéné Yan, ento cakepan ento patuh sekadi sarana sané ngwantu ngingetin ring sekancan apa sané lakar beli. Conto, yén jani bapa lakar mblanja pasti suba kal tulis bapa seka besik apa ja bablanjané ento. Nyanan asel suba neked di dagangé, pesuang bapa suba catetan ngajak potlot angon bapa nyorét yén suba beli bapa bablanjané ento. Dadiné seka besik suba corétin bapa catetné asel suba beli bapa barangné. Nah terus bapa ngalih suba barang sané kondén corétin bapa utawi pingetin bapa. Yén suba mekejang barang sané tulis bapa di catetan ento kacorétin bapa, artiné suba makejang beli bapa. Ingetang masi meték apang patuh ketékané ngajak sané ada di catetan.
Wayan	L	Yen kéto sih carah ngaé kepékan mé?
Luh Dé	I	Sajan Yan, kéto suba carah pamunyin Wayané patuh ngajak kerpékan. Kéwala yén di sekolahan tusing dadi ngango kerpékan, apa buin yéning Wayan ulangan. Nyanan bisa-bisa tusing baanga milu ulangan Wayan ngajak guruné.
Wayan	L	Bah mémé né anak ngudiang jeg ulangan ngaba kerpékan. Baang bapa dogén ngaba kerpékan yen ka pekan ha..., ha..., ha...
Gedé	L	Adah campah né ceniké ne, ha..., ha.., ha...,
Luh Dé	I	Nak luwung ento ngaé kerpékan Yan, sakéwala apang beneh tongos ngajak gunané kal anggon Wayan ngudiang.
Gedé	L	Sajan yan, patuh ngajak dudonan Wayan masekolah nyabran a wuku. ditu di sadinané misi suba kerpékan paplajahan apa dogén Wayan maan di sekolahan ring sadinané masuk.
Wayan	L	Pih sajan ae mé, nyak cocok ento carah sané orahanga ngajak bapa.
Gedé	L	Cocok sajan Yan, sing kéto mémené?
Luh Dé	I	Cocok bli, apa buin Wayan sané orin mablanja daaran dogén bisa pelih masi. Patuh ngajak bapané.
Wayan	L	Subah men kija men lakuna yéh ujané maembah mé? kan sing ada unduk joh uling cacapné.
Gedé	L	Paih bisa kéto Wayan jani nah? Dija Wayan mlajah né kéto?
Wayan	L	Yéh ento anak paplajahan di sekolané pa, paplajahan paribasa adané ento.
Gedé	L	Yén untuk paplajahan cening, bapa jeg tusing sengsaya buin. Ento buktiné Wayan maan juara di TK dugasé malunan, jani suba kalas satu arus Wayan maan juara buin.
Luh Dé	I	Sajan, juara di sekolahsané. Sakéwala jeg orin méli poh jeg godoh absané mulih. Sing jeg tengkajut bsané. Nyen kaden ngorin méli poh.
Gedé	L	Kéto suba raga dadi manusa téh adané mémené. Amongkén ja ririh raga, pastika lakar ada kuangsané. Tusing ja ngidang raga lakar jeg dueg makejang-kejangné. Sakéwala i raga sané ngidang mapineh, jani pinehin apa anggon ngawantu kuangan i raga ento.
Luh Dé	I	Beneh ento muyin bapan Wayané. Yén jani Wayan suba nawang Wayan kereng ensap tekén barang apa sané lakar beli Wayan sedek mablanja, ento tuwutin bapa ngaé kerpékan apang ada anggo ngingetatang subablanjané. Ento buktiné bapan Wayané sané pikun kéto bisa ngidang tusing taén engsap jani tekén barang blanjan apa sané lakar belina. Misi tusing taén pelih buin ketékané, jeg sing tuang sing lebih bablanjané.
Wayan	L	Oh nah mé, mani-mani lakar ngaé kerpékan masi carah bapa yén sagét mablanja. Apang sing pocol buin mablanja, ha...,ha...,ha...

Cakepan

I : Istri / Fimale

L : Lanang / Male

Olih; I Wayan Kertayasa - https://babakanpole.blogspot.com/